TFM

O modelo de TFM reforza a orientación práctica e profesionalizante do máster, xa que permite ao alumnado desenvolver un proxecto propio co acompañamento e a titorización do profesorado. A través deste proceso, o estudantado constrúe e analiza a súa presenza dixital como espazo de aplicación dos coñecementos adquiridos ao longo do programa.

O traballo permite integrar competencias relacionadas co deseño estratéxico, a planificación de medios dixitais, a avaliación de resultados e a creación de contidos dixitais en diferentes formatos, como texto, fotografía, deseño e vídeo. Deste xeito, o TFM convértese nunha oportunidade para aplicar de maneira conxunta e coherente as distintas aprendizaxes do plan de estudos.